Ich hôrte diu wazzer diezen [Weltklage] [English translation]

Ich hôrte diu wazzer diezen

und sach die vische fliezen,

ich sach swaz in der welte was,

walt, velt, loub, rôr unde gras,

swaz fliuzet oder fliuget

oder bein zer erde biuget,

daz sach ich unde sage iu daz:

deheinez lebet âne haz.

daz wilt und daz gewürme,

die strîtent starke stürme,

alsô tuont die vogel under in;

wan daz sie habent einen sin:

-si wæren anders ze nihte-

si schaffent guot gerihte,

si setzent künige unde reht

und schaffent hêrren unde kneht.

sô wê dir, tiutschiu zunge,

wie stât dîn ordenunge,

daz nû diu mugge ir künig hât

und daz dîn êre alsô zergât!

bekêrâ dich, bekêre!

die cirkel sint ze hêre,

die armen künige dringent dich:

Phillippe, setze den weisen uf

und heiz si treten hinder sich.

• Artist:Walther von der Vogelweide