Acadian National Anthem [1884] - Ave, Maris Stella [English translation]

Ave, maris stella,

Dei mater alma,

atque semper virgo,

felix cœli porta.

Sumens illud «Ave»

Gabrielis ore,

funda nos in pace,

mutans Evæ nomen.

Solve vincla reis,

profer lumen cæcis,

mala nostra pelle,

bona cuncta posce.

Monstra te esse matrem,

sumat per te precem

qui pro nobis natus

tulit esse tuus.

Virgo singularis,

inter omnes mitis,

nos culpis solutos

mites fac et castos.

Vitam præsta puram,

iter para tutum,

ut videntes Jesum

semper collætemur.

Sit laus Deo Patri,

summo Christo decus,

Spiritui Sancto

honor, tribus unus.

Amen.

• Artist:National Anthems & Patriotic Songs