Ասում են [Asum en] [Transliteration]

Ասում են կարճ է կյանքը,

շուտ կը մարի սրտի զարկը,

բայց արեւի տակ ծիրանի,

երիտասարդ ու ծերունի,

ահա կանգնած շարան շարան,

կը ձանձրանան:

Ասում են քաղցր է կյանքը,

և անսահման երկրի փառքը,

բայց գրկի մեջ բուրաստանի,

ծաղիկների դեմ գեղանի,

մարդիկ ահա շարան շարան,

կը ձանձրանան:

Ասում են խորն է կյանքը,

լույս է համայն երկրի հանքը,

բայց կանչի դեմ ծիածանի,

կամ աստղերի խորհրդալի,

մարդիկ ահա շարան շարան,

կը ձանձրանան:

Ասում են նոր է կյանքը,

միշտ կը հնչի սիրո զանգը,

բայց աներազ առանց տաղի,

սեղանի շուրջ աղ ու հացի,

մարդիկ ահա շարան շարան,

կը ձանձրանան:

• Artist:Arthur Meschian