Frunnéll’amènta lyrics

Frunnéll’amènta!

E ’a ch’èro durmigliòne e sunnulènto,

io mo mme sóngo fatto matenante.

Ma so’ cuntènto!

(Pecché Ninètta scénne ê ssètte ‘mpunto,

— ê ssètte ‘mpunto — pe Tavèrna Pénta).

Frónn’e granato!

Ê ssètte ‘mpunto adàcqueno Tulèto,

e già d’a primmavèra i’ sènto ’o sciato.

Frunnéll’aruta!

(E cammenanno, cu Ninètta allato,

mme pare ca è dd’a mia tutta sta strata)!

Frónn’e murtélla!

Una vóce dicènte: «’A cóppia è bèlla!

«Isso è murètto - e ’a nénna è biundulélla...»

Frònne e frunnélle!

(Io sto’ cu nu baróne a cucchieriéllo,

e Ninètta è mórista di cappèlli...).

• Artist:Salvatore Di Giacomo
• Album:Canzone e Ariette nove (1916)