Salvatore Di Giacomo - Luna nòva

Nun durmí, scétate, oje marena',

vótta 'sta rézza, pènza a vvucá!...

Nun durmí, scétate, oje marena',

vótta 'sta rézza, pènza a vvucá!...

Dòrme e suspira lu marenaro,

se sta sunnanno la 'nnammurata...

Zitto e cujèto se sta lu mare,

pure la luna nce s'è 'ncantata...

Luna d'argiénto, lass'o sunná,

vásalo 'nfrónte...nun 'o scetá!...

Luna d'argiénto, lass'o sunná,

vásalo 'nfrónte...nun 'o scetá!...

Cómm'a nu suónno de marenare,

Tu duórme, Nàpule, viata a tte!

Duórme ma, 'nzuónno, làcreme amare,

Tu chiagne, Nàpule, scétate, scè!

Puózze na vòta resuscità.

Scétate, scè, Nàpule, Nà!

Puózze na vòta resuscità.

Scétate, scè, Nàpule, Nà!

• Artist:Salvatore Di Giacomo
• Album:ologia della Canzone Popolare Napoletana 1200/1900