Unutgin lyrics

Oqqush kabi uchib ketdi

Olislarga qanot qoqib,

Qalbingdan lek ketolmadi muhabbatim.

Birga olib seni azob-uqubatga

Nahot o‘zim yor sayladim?

Baxtli edik bizlar birga,

Yolg‘izlikda xor ayladim

Men...

Esingdadur kunlar,

Unutilmas tunlar,

Menga atalgandi

Qo‘lingdagi gullar.

Endi o‘zni qiynab

Menga ozor bermagin, yorim.

Xotiralarda, xayollarda qolsam bas!

Unutgin! Unutgin!

Osmonning bag‘rida bir uchay!

Oppoq bulut kemalarida

Arshning jilosini quchay! (2x)

Bo‘ldi, meni o‘ylamagin,

Yurak-bag‘ring tilamagin.

Eslab turgin, mayli, har vaqt.

Ammo, o yorim, yig‘lamagin hech.

Lek esingda kunlar,

O‘sha shirin tunlar,

Menga atab ekkan

Bog‘ingdagi gullar.

Bo‘ldi, o‘zing qiynab

Menga ozor bermagin, yorim.

Xayolingda, tushlaringda jilsam bas!

Unutgin! Unutgin!

Osmonning bag‘rida bir uchay!

Oppoq bulut kemalarida

Arshning jilosini quchay! (2x+ 2x)

• Artist:Nilufar Usmonova