Napule è 'na canzona [English translation]

Se vonno purtà Napule,

Nun saccio a qua' paese,

Miliardarie ca fanno spese,

Se ne trovano 'nquantità.

'Nu bellu juorno, teccote,

S'appura, ditto 'nfatto,

Ca Pusilleco ha fatto 'o sfratto.

E 'o Vesuvio? Va' trova addò sta!

Ma, pe' s' 'a purtà,

Nun sanno ancora comm'hann' 'a fà.

No, niente ce pò

Pe' spustà Napule 'a dò sta mo.

Si, sò migliare 'e prugette,

Ma chi ce se mette,

Maje niente pò fà.

E tutte 'a vonno Napule,

Ma nisciuno s' 'a pò purtà.

Chi 'a vò purtà in America,

Chi 'a vò purtà in Giappone,

Ma ll'Europa se fa ragione,

Dice: "E meglio ca resta a me!"

E allora va 'n Germania?

Va 'n Francia o in Inghilterra?

Pò succedere 'n'ata guerra

Pe' decidere chi ll'ha da avè.

Ma, pe' s' 'a purtà,

Nun sanno ancora comm'hann' 'a fà.

No, niente ce pò

Pè spustà Napule 'a dò sta mo.

Si, sò migliare 'e prugette,

Ma chi ce se mette,

Maje niente pò fà.

E tutte 'a vonno Napule,

Ma nisciuno s' 'a pò purtà.

Quanta 'ngigniere venono!

Ma che prugetto fanno?

Comme venono, se ne vanno,

Se ne vanno, ma pe' turnà.

Chi 'a vò tirà cu 'o mangano,

Scastrata intera intera.

Chi 'a vò spartere cu maniera,

Piezzo piezzo e, po', 'a torna a 'ncullà.

Ma, pè s' 'a purtà,

Mo ce 'o ccunziglio comm'hann' 'a fà.

No, niente ce pò,

Ma, 'o mezzo è facile pe' chi 'o vò:

Quanno 'na bella canzona,

Cu tutt' 'a passione,

S'aeeiva a cantà,

Pe' tutt' 'o munno Napule

Dint' 'o core se pò purtà.

• Artist:Sergio Bruni