Den dag kjem aldri [Spanish translation]

Den dag kjem aldri at eg deg gløymer

for om eg søver, eg om deg drøymer

Om natt og dag er du like nær,

og best eg ser deg når mørkt det er

Du leikar kringom meg der eg vankar

Eg høyrer deg når mitt hjarta bankar

Du støtt meg fylgjer på ferdi mi,

som skuggen gjeng etter soli si

Når vinden lint uti lauvet ruslar

eg trur det er du som gjeng der og tuslar

Når somt der borte eg ser seg snu

eg kvekk og trur det må vera du

I kvar som gjeng og som rid og køyrer,

Det er deg eg ser; deg i alt eg høyrer:

I song og fløyte og felelåt,

men endå best i min eigen gråt

• Artist:Sissel