به‌ژن ڕێک [Bejîn rêk] lyrics

ئه‌ی به‌ژن ڕێک، له‌نجه‌ جوان، خاوه‌ن سه‌رنج، شێوه‌ت په‌ری

بۆ نیگایه‌ک وێڵ و شه‌یدام، باڵی شیعرم هه‌ڵوه‌ری

هه‌ر ئه‌وه‌نده‌م دیوه‌ چاوت چووته‌ ژێر برژه‌نگی ڕه‌ش

وه‌ک گه‌لاوێژن مه‌به‌ستن بۆ سه‌رنجێک ئاڵ و گه‌ش

تیشکی ڕووت کاتێ له‌ ده‌ریای وردی ئه‌ندێشه‌م ئه‌دا

خشڵی شیعرم وا ئه‌ڕازێ بووکی هه‌ر‌ جوانتر ئه‌کا

وه‌ک په‌پووله‌ گیانی تینووم بۆ قومێ عه‌تری نیگات

دێت و ده‌ڕوا و هه‌ر شنه‌ی دێ تا به‌ برژانگت بگات

جا که‌ تێر بوو و له‌ باخچه‌ی دیمه‌نی پاراوی تۆ

تێر مژی غونچه‌ی سرنجی پڕ گوڵاوی چاوی تۆ

دێم له‌ چاوی عه‌شقی تۆدا بۆ ژیان هه‌نگاو ئه‌نێم

مه‌ست ئه‌بم به‌و بۆنه‌ خۆشه‌‌ئو به‌سته‌ بۆ چاوت ئه‌ڵێم

• Artist:Necmedîn Xulamî
• Album:Şew Ta Beyanî