پاییز پاییز [Payîz payîz] lyrics

پاییز پاییز

بووکی قژ زه‌رد

من مات تۆ زیز

هه‌ردوو هاوده‌رد

من فرمێسکم تۆ بارانت

من هه‌ناسه‌م تۆ بای ساردت

من خه‌م تۆ هه‌وری گریانت

دوایی نایێ دادم دادت

پاییز پاییز

پاییز پاییز

پاییز پاییز

گه‌ڵاڕێزانت

هه‌وری ماتی ئاسمانت

له‌به‌ر کزه‌ی بای سه‌رد ته‌زیم

له‌گه‌ڵ گه‌ڵای دره‌ختا ئه‌گریم

به‌ڵام پڕ سه‌خت و به‌جۆشه‌

دۆزه‌خێکه‌ و وا له‌ جۆشه‌

پاییز پاییز

پاییز پاییز

شان و مل ڕووت

من مات تۆ زیز

هه‌ردووکمان جووت

هه‌رچه‌ند گوڵ سیس ئه‌بێ بگرین

ئاڵتوونی دار ئه‌ڕژێ بگرین

پۆلی باڵدار ئه‌فڕێ بگرین

بگرین بگرین چاومان نه‌سڕین

پاییز پاییز

هه‌رگیز هه‌رگیز

• Artist:Necmedîn Xulamî
• Album:Helaley Kiwêstan