Lamentu di u castagnu lyrics

Or chì l'averaghju fattu

A lu Corsu cusì ingratu

Chì m'hà fattu la sintenza

E à morte cundannatu

Senza sente testimoni

Nè cunsultà lu ghjuratu.

M'hà dichjaratu la guerra

Cum'è à un veru malfattore;

M'hà messu li sbirri appressu

Chi m'attaccanu terrore

O Corsu rifletti un pocu,

Versu me sì senza core.

M'hai chjappu à l'arma bianca,

Tù per esse più sicuru,

Quandu improntu li mio fiori,

Quandi lu fruttu hè maturu,

Un mi porti alcun rispettu,

O Corsu, sì cusì duru !

Aghju intesu a chjama m’arreca lu to lagnu

E issu pientu lampatu hè murtoriu chì risona

Ma corre in le mio vene un suchju inzipitu

Rinvivisce u mio fiatu è fiurisce l’avvene

Subitu tagliatu à pezzi

E per mettemi in pappina

Chjami li tò mulatteri

Per cunducemi à l'usina;

O Corsu, rifletti è pensa

Chì faci la tò ruina !

Or chì l'averaghju fattu

A lu Corsu cusì ingratu

Chì m'hà fattu la sintenza

E à morte cundannatu

Senza sente testimoni

Nè cunsultà lu ghjuratu.

Senza sente testimoni

Nè cunsultà lu ghjuratu

• Artist:Barbara Furtuna
• Album:d'Anima