Ninni Nanna [Sott'a lu ponte] [Polish translation]

Sott'a lu ponte ci luce la luna...

E stelle in celu ùn ne manca manc'una

Dormi.

In li castagni si lagna lu ventu

U nostru lume sarà prestu spentu

Dormi

Ind'una casa - ma quale sarà ? -

Batte lu stacciu è si sente cantà

Dormi

U ghjattu maiò s'alliscia u mustacciu,

Pianta la voce, si cheta lu stacciu.

Dormi

Un ghjàgaru abbaghja, una sgiotta bela.

S'empie la stanza d'adoru di mela.

Dormi.

Dumane anderemu à la vigna, induva

I fighi so' dolci è matura l'uva.

Dormi.

So cinque mesi che no simu soli.

A guerra ha pigliatu i babbi à i figlioli

Dormi.

Mi frighje lu core, ùn ne possu più

Lascia pienghje à mè sta sera ma tù

Dormi.

• Artist:Petru Leca