Lettera a mamma

Mamma risponde nun possu

À e vostre dulente chjame

Troppu miseria aghju à dossu

È mi si rode la fame

Sò prigiuneru languente

In quella Prussia à punente.

Venissi una rundinella

Ch'eo la mandi messagera

O venga puru una stella

À purtà la mio preghera

Le mio pene è lu mio amore

Versu voi mamma d'amore.

V'abbracciu per lu penseru

Vi mandu sti versi soli

Dicendu sò prigiuneru

Chì tuttu què vi cunsoli

Mamma, la vostra tristezza

À mè dà tant'amarezza.

• Artist:Barbara Furtuna