I've Got You Under My Skin [Venetan translation]

Te porto sóto ea me pèe.

Te porto drento nel profondo del me cuòr.

Cussì drento el me cuor che ti xe davero 'na parte de mi

Te porto sóto ea me pèe

Go provà cussì a no moear. Me go dito fra mi e mi:

"'Sta storia noea 'ndarà mai cussì ben"

Ma parcossa gavarìa da tentar de resister, quando, mio ben, eo sò ben,

Te porto sóto ea me pèe.

Darìa via tuto, che ea vaga come chea vól

Pal gusto de verte vissìn.

A dispèto de chea voxe che sento de nòte

E che ea me ripete, me ripete nee réce:

"No tio sa, pòro semo, no ti podarà mai vinser, mai!

Dòpara chea testa, svégite nel mondo real"

Ma ogni volta che ghe provo, soeo el pensiero de ti

Me fa tornar indrìo prima de scominsiàr

Parché te porto sóto ea me pèe.

Darìa via tuto, che ea vaga come chea vól

Pal gusto de verte vissìn

A dispèto de chea voxe che sento de nòte

E che ea me ripete, me siga nee réce:

"No tio sa, pòro semo, no ti podarà mai vinser, mai!

Parché no ti dòpari chea testa, date 'na mossa svégite nel mondo real"

Ma ogni volta che ghe provo, soeo el pensiero de ti

Me fa tornar indrìo prima de scominsiàr,

Parché te porto sóto ea me pèe.

Sì, te porto sóto ea me pèe.

• Artist:Frank Sinatra
• Album:Songs for Swingin' Lovers! (1956)