هەناسەی ئاشقان [Hanasay Ashqan] lyrics

وەکو نەی کون کونە جەرگم لە تاو هیجرانی تۆ بۆیە

بە سۆزی نەی دەسوتێم و بە نەغمەی نەی دەناڵێنم

ئه‌مان ئه‌ی موتریبی مه‌جلیس، به‌حه‌ققی تاری رووحانیی

بڵا بێ نه‌غمه‌که‌ی سازت، که‌ئاوی ئاوری هیجرانه

ئه‌تۆ ئه‌ی رووحه‌که‌م ساقی، ئه‌ی تۆ ئه‌ی عومره‌که‌م موتریب

په‌یاپه‌ی لێده‌ چه‌نگ و نه‌ی، ده‌ماده‌م بێنه‌ په‌یمانه‌

به‌تیری غه‌مزه‌ی بملاوێنه‌وه، ‌زوڵم له‌گه‌رده‌ن که‌

به‌سه‌ر هاتومه‌ مه‌یدانت، به‌دڵ بۆت بووم به‌ نیشانه

دمێکی مەست و بیمارم، دەمێک بێ هۆش و هوشیارم

چ کەس نازانێ دەردی من ، مەگەر ئەو چاوە کاڵانە

هەناسەی عاشقان بانەتگرێ، بێ مروەتی تا کەی؟

بترسێ ئەی گوڵی نازت ، بدەم لەو بای زریانە

ئەگەر زوڵفت وەکو من، عاشقی ڕووی تۆ نیە بۆچى

سەراپا تێکچوە، کەوتۆتە بەر پێت دەست و داوانه؟

وەفایی بۆ گوڵێکی سەر و باڵات شێت و شەیدای

وەکو قومری دەناڵێنێ، وەکو بولبول غەزەل خوانە

هۆنراوە: وەفایی

• Artist:Adnan Karim