ڕووناک [Ronak] lyrics

هه‌ی ڕۆڵه شۆڕش په‌روه‌رده‌که‌م

هه‌ی ڕۆڵه شیرینه‌که‌م ڕووناک

خوزگه شنه‌ی بای به‌یانی بۆنێکی تۆی ئه‌هێنا بۆم

خوزگه ئه‌تزانی یه‌کجاری چه‌ند به تاسه‌ی بینینی تۆم

تامه‌زرۆی هه‌ناسه‌ی بۆن خۆشی به‌ربینی تۆم

چه‌ند خۆش ده‌نگت له گوێم دایه

کۆرپه شیرینه که‌ی دایه

که به زه‌نگی ده‌نگی نه‌رمین

ئه‌تکوت دایه دایه‌ی شیرین

کوانێ بابم کوا له کوێ‌ئیه

خاڵم له کام شار کام دێ‌ئیه

نامه‌یان بۆ هه‌رگیز نایه

منیش ده‌مکوت گیانی دایه

بابت له‌وێ له چیا یه

تۆش به‌و ده‌سته بیچکۆلانه

کاغه‌زێکت کرد به نامه

ئه‌مانه‌تی نامه دا پێم

ئه‌تزانی من بۆ ئێره دێم

جوابی نامه‌که‌ت داوا کرد لێم

ئازیزه دڵ خه‌مینه‌که‌م ڕووناک

ڕۆڵه شیرینه‌که‌م ئه‌وه منیش له سه‌نگه‌ری ئه‌وانه‌وه

له سه‌نگه‌ری شۆڕشی کوردستانه‌وه

یادگاره شیرینه‌که‌ی یادی بابت

له جیاتی وان وا خۆم ده‌نووسمه‌وه جوابت

نه‌کا دڵه بچکۆله‌که‌ت به دووری دایه‌ش خه‌مین بێ

نه‌کا نه‌رگسی چاوه‌کانت لێڵی شه‌ونمی ئه‌سرین بێ

خاڵ و بابت پێشمه‌رگه بوون

به شوێن خۆری به‌هارا چوون

خۆری گه‌شی ئاسمانی ڕوون

به‌هارێ که هه‌موو مناڵ ده‌وریان پر بێ له باب و خاڵ

نه تۆ نه ئازاد نه گه‌لاوێژ نه خه‌یاڵ نه هیچ مناڵ

چاوتان نه‌شێوێ به ئه‌سرین

لێوتان پڕ بێ له پێکه‌نین

یان ده‌نگی سروود و کایه‌تان

یان نه‌غمه‌ی دایه دایه‌تان

بچێته ئاسمانی پاک

چاوه ڕاسته‌که‌می ڕووناک

تاسه‌م لێت نه‌شکا گیانی شیرینم

وا من ڕۆیشتم سا که‌ی بتبینم

• Artist:Necmedîn Xulamî