'O bbene [Italian translation]

E nisciun'ata femmena mme piace

comme mme piace tu, curtese e doce.

E nisciun'ata mme pò fà cchiù spècie

si penzo a te ca mme saje fà felice.

È 'o bbene. È 'o bbene

ca 'e ssimpatie fa addeventà catene.

Stregne duje core forte, e po' 'e mmantene

strignute sempe, pe n'eternità.

Fosse 'a cchiù bella femmena d' 'o munno?

Femmene belle quante ce ne stanno?

Fosse 'a cchiù ricca?

'O core nun se vénne.

Sulo a te veco bella e ricca 'nsuonno.

È 'o bbene. È 'o bbene

ca 'e ssimpatie fa addeventà catene.

Stregne duje core forte, e po' 'e mmantene

strignute sempe, pe n'eternità.

Quanno te sento 'o core mio suspira.

Quanno te veco, io dico: "E' primmavera".

Ma si luntana staje, ll'anema è scura.

Po' mme te sonno e st'anema se schiara.

È 'o bbene. È 'o bbene

ca 'e ssimpatie fa addeventà catene.

Stregne duje core forte, e po' 'e mmantene

strignute sempe, pe n'eternità.

• Artist:E. A. Mario