Natale [Italian translation]

Piccerille, che ghiate â scòla,

piccerille, che nun ce jate.

Si tenite chi ve cunzòla

o site sule e abbandunate...

Si tenite tutte vicine,

o tenite tutte luntane...

si sperite ’nnanze ê vvetrine

o, redènno, sbattite ’e mmane...

Piccerille, pe ’stu Natale

nu’ sparate tracche nè bòtte...

Appicciate sulo ’e bengale

cómme sòna «la mezzanotte».

Nun sapite Giesù c’ha ditto

primm’e scénnere ’a ciélo ’ntèrra?

«Nu’ sparate! Stàteve zitto...

ca già tanto se spara ’nguèrra!»

• Artist:Rocco Galdieri
• Album:Notte luminosa (1960)