'O 'ntrattiéno lyrics

- Zitte, guagliune. Tutt ‘e piccerille

venéssere cu me. Mammà s’addòrme…

E nun se po’ addurmi pe bbia d’e strille.

Si mme date na fòrbice e nu fuóglio,

i’ ve rentaglio ‘e stélle.

Bravo. Accussì… Ve vòglio

fà’ stélle ‘e tutte fórme.

Gròsse tante, mezzane, piccerélle…

A quatto e a cinche ragge…

E chésta è ‘a stélla c’accumpagna ‘e Magge

ca vanno add‘o Bammino

dint‘a nuttata ‘e Pasca Bifania…

Guardate quant‘è bèlla!

cinche ragge e c’a córa. È pe Maria,

ch’è ‘a cchiù piccerenèlla…

A Vincenzino,

‘a stélla c’accumpare a mmatutino.

Chésta… Chést’ata cca’… chésta… (Fernuta?!)

Chést’ata stélla cca’… se n’è sagliuta

‘nciélo!… Basta, mo… s’è addurmuta…

E ca… strellate?… Nun se scéta cchiù!

• Artist:Rocco Galdieri
• Album:Poesie (1914)