'A nòtte [Italian translation]

‘A nòtte c’o suonno nun vène,

m’appiccio nu miézo sicario

e pènzo. E te pènzo. Che bène!

Nun tèngo cchiù féde! Chi ‘a tène

se dice nu bèllu rusario

‘a nòtte c’o suónno nun vène!

So ‘e qquatto. A vint’anne, a chést’óra

cantavo cu ‘amice p’a via.

E mamma, che campa e che ancòra

M’e ccónta sti ccòse, e na sòra,

na pòvera sòra d’a mia,

tremmanno aspettàvano fòra...

Spuntanno me dévano a vóce:

Si tu? Pascali?... Figliu mio! "

( A vóce d ’a mamma cchiù ddóce...

A mamma c’o figlio Ile còce!)

E stévo chiù ‘mpace cu Dio...

Chi sa... m’a facevo na cróce!

Mo ‘a nòtte c’o suonno nun vene,

m’appiccio nu miézo sicario

e pènzo. E te pènzo! Che bène!

Nun tèngo chiù féde! (Chi ‘a tène?)

E fumo... aspettanno l’orario

d’a Morte. Che trica, ma vène!

• Artist:Rocco Galdieri
• Album:Le videopoesie di Gianni Caputo