La nena [Bitácora de un secuestro] [Venetan translation]

Ea putèa se ga svegià ae sìe e quarantadò

Ea putèa strenxe i òci par no vedar el ciaro,

Ea dixe 'e sòite preghiere pa èssar a posto col Signor

E po' dopo questo se fa 'na croxe sol pèto,

De chi xea chea machina che spèta do strade più in xo?

Parada coi libri de scuoea l'autista la tól sù

Sua mare ea spenxe paea porta movendo 'e man

Ea putèa ga nove ani come faea a saver,

Che da quatro mesi i ghe camina drìo

E ea machina che spèta inpissa el motor.

Un colpo in testa al autista e ea putèa va fòra strada

Un àlbaro ferma ea machina; iori i a tien sequestrada,

Ea so testina ga sbatùo sol vero e ea se ga fato un tajo.

I vissini se sèra drento, nissuni ga visto gninte

E ea man che ga copà l'autista dèsso ghe sèra ea boca

Ea putèa xe un 1 co' tanti zeri dal dì de ancò.

Ea putèa no ea verxe i òci, no ea vede el ciaròr,

Nea sucursàl del inferno no ghe xe e finestre,

El so destìn xe ligà a schèi de altre nassiòn

Ea so vita xe un schifoso scambio compagno aea morte

Ea putèa ancò no ghe sarà aea lessiòn de inglese.

Ea putèa ea xe un buto infagotà drento 'na station maròn

Un scarpon ghe spenxe soea schina, un fassoeto soea boca

Ea putèa ea mòre de paura e no ea capisse parché

Ea putèa no ea sa che a volte anca el Signor se ga sbalià,

Ea putèa no ea dorme e notissia, ea putèa no ea ghe xe.

El so mondo gà cambià de misura e xe quatro metri par tre

El soe xe el ciaro che passa da soto dea porta

Ea putèa no ea vede ea diferensa tra un dì e un mese,

Ea putèa no ea sa se ea dorme o ea xe svegia

E xe xa tre mesi che ea se dimanda parché.

Sìe chìi de manco ea ga xa 'e piaghe,

El pare xe 'nda fòra de testa, sua mare ea gira pai ospeài

Se contrata el riscato co 'na voxe falsada

Ea stessa che ea gà mandà 'na recia in ricordo

E ea paura se ne ciava de tuti e se frega 'e man,

El futuro mostra un muso da can se ghe gira cussì.

Ea putèa no ea strenxe pì i òci, no ea ga visto el ciaròr

Nea sucursàl del inferno no ghe xe 'e finestre,

El so destìn xe ligà a schèi de altre nassiòn

Ea so vita xe un schifoso scambio compagno aea morte

Ea putèa da diese mesi no ea va a scuòea de baeo.

El dì indicà i schèi i xe soto de un ponte,

Ea putèa finalmente vien fòra dal buxo dove che ea gèra serada,

Tuto va come patuìo no manca gninte,

So un bòto el paròn entra in casa sensa coverxerse el muso

Ea putèa eo riconosse come un viso familiar

I piani dopo l'incidente i ga da èssar cambiai.

• Artist:Ricardo Arjona
• Album:Santo pecado (2002)