فەرەنجی پۆش [Faranji posh] lyrics

فەرەنجی پۆش کەڵپۆس له کۆڵ

بۆ تۆ گەڕاوم دۆڵ به دۆڵ

هەرداوهەردم کرد دەشت و کۆ

نامه ژێر پێ گەڕام بۆ تۆ

له دارستان له کانی و ئاو

له گشت لا تۆم هاتە بەر چاو

گرتم شوێنی هەنگاوەکەت

پرسیم سۆراغی چاوەکەت

پرسیم له گوڵ له غونچەگوڵ

گژ و گیا، مێخەک و سمڵ

سێلان و سوێسنە و چنوور

له گوڵە شیلانی زەردوسوور

گرتم سۆراغی بۆنی تۆ

شەیدا بووم کەوتمە شوێنی تۆ

گەرچی نەمدی دڵ هەر کوێ چوو

دیمەنی تۆی لە بەر چاو بوو

دەشتی ساراڵ و خوڕخوڕه

له ناوی پیرۆزت پڕه

چەم شار سنه تا ژاوەرۆ

گشت به داخن بۆ کۆچی تۆ

بێ ئۆقرەم لێم بڕا ئارام

بیستم تۆ نەماوی بەڵام؛

چونکوو رێگات رێی خەبات بوو

سەربەرزی بوو, بۆ نەجات بوو

دەبێ بزەم بێ له لێوان

بەرز بم وەکوو لووتکەی کێوان

کێوانی کوردستانەکەم

جێگەی تۆن کاکە جوانەکەم

تۆ نەمردووی له ناو دڵمی

خوێنی هەناوی به کوڵمی

له دەمارما دێت و دەڕۆی

هێزی دڵ و گیانم ئەتۆی

هەتاکوو هەم بەم دنیاوە

یادەکەت ڕووناکی چاوە

ئامانجت ئامانجمه ئارام

رێگات رێگامه دڵنیام

• Artist:Necmedîn Xulamî
• Album:Faranji Posh