Comme ils disent [Venetan translation]

Vivo in casa co' me mare

In un vècio apartamento

Vissìn Rialto1

Go par tegnerme compagnia

'Na tartaruga, i canarini

E 'na gatèa

Pa far che ea mama se riposa

Molte volte fasso ea spesa

E da magnare

Meto in ordine, lavo, neto

E me a passo anca a cuxer

Coea machineta

De lavorar no go paura

So un fià decoratór

Un fià stiista

Ma el me vero mestier xe de note.

Me vago a travestir

So' un artista

Go un numero speciàl

Che finisse col nuo integràl

Dopo el strip-tease

E nea sàea vedo che

I mas-ci i vorìa capìr

Ma el xe un òmo, oh!

Come che i dixe

Verso 'e tre dea matina

Vago magnar coi me amighi

De tuti i sessi

Dentro un picoeo bacaréto2

E là se demo a cuor lixièro

Sensa complessi

Se tira fòra verità

Su tuti quei che no ne va

I lapidemo

Ma eo femo co ironia

Tanti giri de paròe

E freciatine

Ghe xe in giro ritardài

Che par scónder i so tabù

I mena el cùeo

Sercando de copiarme a mi

Ma i se coverxe, chei bauchi

De ridicoeo

I mena 'e man e i siga forte

Faxendo 'e dive e ea figura

Dei paiassi

Mi 'e batùe, 'e tolte pal cùeo

Me assa fredo parché xe vero

So un òmo, oh!

Come che i dixe

Dèsso nasse 'ncora el soe

Torno casa e me ritrovo

Da nòvo soeo

Me cavo el truco e i cavéi

Come un pòro cristo tristo

No ghea fasso più

Me buto, ma no dormo mai

Penso ai me amori sensa gioia

E deudenti

A chel fìo bèo come un Dio

Che sensa far gninte me ga infogà

Dentro el sarvèo

Ea boca mia mai sarà

A dirghe queo che go drento qua

Che eo amo xa

Parché el più grando dei tormenti

Tuto el giorno va su e xo

Insieme ae dòne

Nissuni sa ea verità

E no me ga da giudicar

E go da dìrveo

Che xe ea natura che

Ea ga tuta ea colpa se

Mi so un òmo, oh!

Come i dixe.

1. Zona di Venezia col famoso ponte che unisce il sestiere di San Polo e quello di San Marco2. Tipica osteria veneziana in cui si trovano cichéti (stuzzichini) e ombre (bicchieri di vino)

• Artist:Charles Aznavour
• Album:Idiote je t'aime (1972)