آخر طموحاتي [Aakher Tomouhati] lyrics

يا آخر طموحاتـي وذروة حنينـي

تلبس على فالك وأنا بفالي أمـوت

أموت في اللبس الخفـي المبينـي

والشعر لا منـه تنثر على الكـوت

الصورة اللي بين خدك وبينـي

تقول يا سكـر تعال المـس التـوت

و فعيونـك اللي تحتها شامتينـي

خيل العـرب في معركة عين جالـوت

كل شـي يتمنى يشاركك فينـي

الأرض والأشجار والبحر والحـوت

يا مظلمك يا مبرئـك يا حنينـي

ما ضاع لك ضايع ولا فات لك فـوت

أقسى الرجال إن شاف حسنـك يلينـي

وأي بنت في جنبك اتحـول لطاغـوت

خذني معـك بلاك أنا ما يبينـي

يا شعر بو راشـد ويا سحر هـاروت

هذه أمنياتـي يا مبعثر سنينـي

الود ودي نجتمـع لو بتابـوت

ودي أحطـك يا حبيبي في عينـي

واسكر عيونـي عليك انت وأمـوت

وأدخل معـك قبر الغـرام الحزينـي

واسمع تناهيت المحبـة بلا صـوت

• Artist:Hamdan Al-Maktoum (Fazza)