'A Luciana lyrics

Porta ancora 'o scialle 'e lusso,

porta ancora 'a pettenessa

'sta Luciana, quanno passa,

nun te fa cchiu' raggiuna'.

'E vvote 'a ncontro pe' Santa Lucia

e che maretta dint' 'o core mio !

Si penzo d' 'a ferma'...

si cerco 'e 'nce parla'

chella me guarda sturto e m'aggia sta'.

'A sta Luciana ca passa e spassa

scialle 'e lusso, pettenessa,

pe' na semmana m' 'a faticasse,

po' 'a fermasse, e le dicesse :

Io nun ve cerco niente !

ma dateme 'o permesso :

ve do' nu vaso 'ncopp' 'a pettenessa !

~

M'hanno ditto: 'O pate e 'nzisto !

M'hanno ditto: 'O frate e' tuosto !

Tene 'o zio ca e' capintesta..

ce sta' poco 'a pazzia' !

Ma io che ce pozzo fa? Chella me piace !

Voglio pazzia cu 'o ffuoco e si me cocio...

me cocio e ch'aggia fa'...

Ma s'hanna rassigna' :

io senza 'e chella nun posso campa' !

'A sta Luciana ca passa e spassa

scialle 'e lusso, pettenessa,

pe' na semmana m' 'a faticasse,

po' 'a fermasse e le dicesse :

Io nun ve cerco niente !

ma dateme 'o permesso :

ve do' 'o scialle e lusso a pettenessa !

~

Io nun ve cerco niente !

ma dateme 'o permesso :

ve do' nu vaso 'ncopp' 'a ...

ve do' nu vaso 'ncopp' 'a ...

ve do' nu vaso 'ncopp' 'a pettenessa !

• Artist:Sergio Bruni