'Na cosa 'e niente lyrics

E staje aspettanno 'o sole 'e 'sta jurnata

Areto 'e llastre 'a strada dorme ancora

'Na sigaretta 'e vvote nun ffà male

È 'na cumpagna si te siente sola

E staje penzanno a chella cosa 'e niente

'Stu niente ca te deva tutte cose

Ma te n'accuorge quanne passa 'o tiempo

E tu si' stata troppo curaggiosa

E mo' 'o vulisse credere

Mo' ca nunn'è possibile

Nun te vulisse arrennere

Ma 'o saje ca nunn'è facile

E t'accarizze 'e lettere

Mentre te miette a chiagnere

Pe' chill'ammore stupido

Pe' chella cosa 'e niente

E 'o cirche dint'e lacreme

Quann'o vulisse astregnere

Quanno nun saje cchiù vivere accussì

Senza 'sta cosa 'e niente

E t'accumpagna 'o sole 'e 'sta jurnata

Cu 'e libre mmane mentre tuorne a scola

'Nu jeans e mille frase 'nnammurate

Te veste 'e tutto chello ca è perduto

E tuorne a penzà a chella cosa 'e niente

'Stu niente ca te deva tutte cose

Ma 'e juorne belle ca se porta 'o tiempo

Nun sanno turnà areto n'ata vota

E mo' 'o vulisse credere

Mo' ca nunn'è possibile

Nun te vulisse arrennere

Ma nunn'è accussi facile

E t'accarizze 'e lettere

Mentre te miette a chiagnere

Pe' chill'ammore stupido

Pe' chella cosa 'e niente

E 'o cirche dint'e lacreme

Quann'o vulisse astregnere

Quanno nun saje cchiù vivere accussì

Senza 'sta cosa 'e niente

• Artist:Nino D'Angelo
• Album:Musicammore (1994)