Tonton Nestor [Breton translation]

Eontr Nestor,

ar gaou 'oa ganeoc'h,

el lâran didro-kaer:

savet hoc'h eus

an dispac'h

e-kerzh eured Chanig.

Anzav a ran,

Eontr, hoc'h eus en em

emzalc'het evel

ur moulbenn achu,

ur pagan touet,

ur paotr diouzh ar werin.

P'edo an danvez-pried,

izel he selloù,

daeroù leizh he malvinier,

e-par lârout

"Gran"

d'an Aotroù Maer,

peseurt barrad a grogas ennoc'h,

kozh paotr fall zesket,

ma 'z out aet, divezh kaer,

d'ober ur biñsadenn

kriz e-barzh en he

moudenn kig?

O treiñ

diouzhtu-kaer

e fasatas-hi, flikflok,

ar paotr a enor,

dezhañ, dre voneur,

ur penn-dotu.

Met e-lec'h

ar "Gran" oa gortozet

youc'hal a reas "Mammig!",

ha respont a reas ar Maer

"Ket a se, ma merc'hig;

n'eo ket ar c'houlz reizh!"

P'edo ar pried nevez,

izel he selloù,

tonius he mouezh,

e-par lârout

"Doue ya!"

a-geñver d'an Tad peurbadel,

pec'hed bras eo

hoc'h eus kredet

astenn adarre

ho krabanoù

milliget

war he rontedioù.

O treiñ

diouzhtu-kaer

e vouchas-hi e fri

d'ur c'holist

a oa, dre voneur,

siferniet.

Met e-lec'h

ar "Gran" oa gortozet,

gant he c'haezh a vouezh skuizh

d'ar paotr kerniet

divarc'het holl

e lâras "Kaoc'h", siwazh!

Daoust dezhi da ober

ha dreist-ober gant

he droed da vezañ feskennek,

oc'h he fiñsat,

farser divalav,

hoc'h eus roet kerse deomp.

Rak-se, feiz,

d'ar c'hentañ gwech

'vo euredet Chanig,

anez deoc'h e raimp,

Eontr, el lâran deoc'h

didro-kaer.

• Artist:Georges Brassens