Tav [English translation]

Dinya çiqas xweş, çiqas bedew bû

Kirasê sipî çiqas li vê axa welatê kurdan hatibû

Wî destê xwe bir ber eniya xwe û ji bo cara dawîn

Li dora xwe niherî

Li dûr, li dûr reşahiya eskeran...

Li dûr, li dûr teyrekî mezin î sipî li firê bû

Bi baskên sipî ji aliyên çiyan ber bi geliyan

Li şahîdiya wê roja nû bû

Baskên wî vekirî, çeprast, teyr bi ageh li firê bû

Ma jiyan ne mîna fira vî teyrî bû

Ma jiyan ne fireke kurt û xweş li dinyayeke kambax bû

Bîr dîsan li firê bû hemû jiyan li bîrê

Mal û malbat, xwîşk û bira

Ap û birazî, xal û xwarzî

Yek bi yek niha li ber çavên wî bû.

• Artist:Mehmed Uzun