Straed an Amann lyrics

En ur gêr bennak, e-kreiz ar straed

'Lec'h red an dud, n'ouzon ket perak

Ar paotr Lannig e-unan penn

Nec'het, mut, lent un tammig

Kollet gantañ blaz e zouar,

Beuzet e-touez c'hwezh ar c'holtar

Ne welan ket traezh amañ,

E-kreiz ar betoñs ema amañ.

'Vel ur bramm pounner e-touez an avel

tonioù, kanaouennoù 'kreiz ar gouel

Ur c'hlan, ur meuriad o riboulat

Deus Chaina, Breizh, ivez Afrika

Dav da Lannig kanañ ganto

Taboulinañ, seniñ, 'maint atav bev

"Ur banne deomp-ni 'raio ket 'boan,

Gant un dorzh bara, ur begad amann"

Klask a ran Straed an Amann,

Kaer 'm eus gounit ma c'hoant

Klask a ran straed an amann

Kaer 'm eus, ne ran ket van!

Ranndioù goudorus e-kreiz an tourioù

Ken sioul hag o zi en o menezioù

Dre bouez-mouezhioù pounner, kant bro, kant giz

Ken tomm etrezo yezhoù iskiz

Blaz an amann a zeu en-dro

D'ar paotr ar soñj gwellañ eus ar vro

War an hent mat emaon amañ,

Setu Yannig en e vleud bremañ!

Klask a ran Straed an Amann,

Kaer 'm eus gounit ma c'hoant

Klask a ran straed an amann

Kaer 'm eus, ne ran ket van!

• Artist:Dom Duff
• Album:Straed an amann