Si Canteras Ancora lyrics

Si canteras ancora, rusignolu

Cussa suave tua melodia

Chi pesande lizeri cussu 'olu

Isparghet sas notas de armonia

Pensèndela pro issa dedicada

S'innamorat sa profumada rosa

E mirende sa tua isfalada

Finas sa nue est imbidiosa

E daghi intendet cuss'amenu cantu

Ti saludat ridente su 'eranu

Mudende su tristu in solianu

A tota sa natura das ispantu

Echeat s'adde affac'a su mare

Daghi s'intendet cussa 'oghe rara

Dae su Gennargentu a Limbara

Godinde de su amenu cantare

Si canteras ancora rusignolu

Cussa suave tua melodia

Ti prego, pro li torrare consolu

E un'ispera a custa terra mia.

• Artist:Maria Luisa Congiu
• Album:Tempus e Omine