Selene [English translation]

Che i's'unda 'e su mare chirchende

chene pasu sa rena, 'eo chirco a tie;

che su sole chi pro basare sa terra

cun rajos de caentu 'che isorvet su nie;

semus che i'su sole cun sa luna,

chi si curren fattu 'e pare nott'e die.

Che su sole e sa luna,

che su chelu e su mare

non podimus toviare mai.

Cherzo 'idere s'ispera

de sa lughe verdadera, eterna,

chi est su sole…

M’invoco a sas istellas de chelu,

sorres de firmamentu: ite mi nazes bois?

Non cherzo esser prus sa luna e su sole

orvidare, cun dolu e cun “ohis!”

Deo no so prus Selene incantadora,

solitaria in nottes de anneu.

Cherzo abbratzare su sole,

cherz'intender su calore

de s'amore chi no morit mai.

Cherzo 'idere s'ispera de

sa lughe verdadera eterna

chi est su sole…

Selene so…

Como in bratzos de sa lughe,

in su mundu chena neghe,

apo a esser tessidora

de sas tramas de s'aurora.

Como, abbratzada a su sole,

potho intender su calore

de s'amore chi no morit mai.

Potho 'idere s'ispera

de sa lughe verdadera, eterna,

chi est su sole…

Selene pius non so…

• Artist:Maria Luisa Congiu