Sanluri 1409 [Polish translation]

Allestran su passu che umbras arcanas

in sas carrelas de una ‘idda nodida.

Su sonu ‘e su ferru su sonnu nd’istudat

ponzende in accabu sas oras galanas.

Conchistadores arriban dae tesu

bettande sas francas in logu sagradu,

ruet su pòpulu imbenujadu,

umiliadu, affrontadu, offesu.

Pro fagher festa s‘inturzu anzenu

cheriat sa prus bella, cheriat s’ermosa,

cheriat una rara criatura donosa

chi a custu assubadu l’at postu marranu

Y siendo muy prendido aquel vicio le acabó la vida

In Sanluri, zitade ‘e Campidanu,

si faghet padronu s’anzenu

chi furat a su pòpulu sardu

de paghe e d’ispera s’alenu.

Binchet sa gherra, binchet sa terra

ma no la trampat sa sorte.

Probadu dae sa gherra e sa maladia,

sa mente pensende solu a su piaghere,

issa che maghiarza lu faghet morrere,

in mundos de amore li cuat s’ingannia.

L’intrat in su sàmbene a androgheras

suèndeli fintzas s’ùrtimu respiru.

L’at postu s’ermosa de amore in retziu,

l’at juttu s’ermosa a s’urtima dimora.

Y siendo muy prendido aquel vicio le acabó la vida

In Sanluri, zitade ‘e Campidanu,

si faghet padronu s’anzenu

chi furat a su pòpulu sardu

de paghe e d’ispera s’alenu.

Binchet sa gherra, binchet sa terra,

ma no la trampat sa sorte.

Lalala…

Y siendo muy prendido aquel vicio le acabó la vida

• Artist:Maria Luisa Congiu
• Album:Ego