Rumanzetta militare lyrics

Chi vò partì, dicette 'o capitano

Io me facette nnanze, 'o primmo pe partì

screvette a te "vac'a murì luntano

pecché senza speranza m'hê fatto assaje suffrì

Quanno dicette 'o capitano:"Bravo

tutt''e surdate fosseno accusì"

Scurnuso 'e me, sentennelo pensavo

ca jevo pe murì no p''a patria, pe te.

E ghiette a fà, tutt''e cumbattimente

E me menavo allero cchiù nnanze pe cadè

"Attiento a te" diceva nu tenente

"Tiene curaggio è overo ma penza pure a te"

Mò so sergente e luce na medaglia

'ncopp'a 'stu pietto addò nun tuorne tu

Chi 'o pò sapè ca dinto a na battaglia

perdevo a giuventù, no p''a patria, pe te.

Affianco a me, cadette nu surdato

ca fuje tirato a sorte, spiraje dicenno "oje ma"

vint'anne e po m'aveva cunfidato

ca si scanzava 'a morte turnava pe spusà

E so turnato, je ca non so' aspettato

addò nun me diciste manco addio

torna addù me scurdammoce 'o passato

Campava 'o core mio, mò sta 'mpatria vò a te.

• Artist:E. A. Mario