پەپوولەی ئازادی [Papulay Azadi] lyrics

‎بۆ مەزرای ئاواتی من، تۆی نەوگوڵی ئیشق و وەفاداری

‎بۆ گوڵشەنی پڕ گوڵی ژینم، ئەتۆی ئاوازی دڵداری

‎لە بەحری بێ پەی ژیان، ئیشقی تۆ لە دڵ، کەشتی ئاواتم بوو

‎خۆشەویستی و میهری تۆ، گەرمی ژینی من ڕێگای نەجاتم بوو

‎پەپوولەی ئازادی ناو پاخچەی دڵداری و ئیشق و سەفا بووین

‎بەخوا زۆر حەیفە گوڵم، ئێمە بە جارێ لە یەک جیا بووین

‎لە بەحری بێ پەی ژیان، ئیشقی تۆ لە دڵ، کەشتی ئاواتم بوو

‎خۆشەویستی و میهری تۆ، گەرمی ژینی من ڕێگای نەجاتم بوو

‎لە بیرت چوو ئەو شەوە، ئاسمانی ژین، ئەستێرە باران بوو

‎مەلی ڕوح لە ئیشقی تۆ، ئەی نازەنین، مەست و غەزەل خوان بوو

‎وەرە دیسان با لە نوێ، ئیشقی وەسڵی تۆ بمخاتە ڕووناکی

‎ڕووبکەین لە قیبلەی وەفا، سەرمەستی و سەفا، هەردوو بە دڵپاکی

• Artist:Mazhari Xalqi