Ottombre lyrics

- Amico, ‘o ssaje ch’è ottómbre? È giovedì,

fatte na passiata p’a campagna.

Mo ce stóngh’io; tiéne chi t’accumpagna…

Iésce… Risciata… Nun t’appucundrì.

Guarda che sóle! Autunno, è cómme fósse

na primmavèra. ‘E ffrónne so’ lucènte.

E ‘ncòpp’ a chélla lòggia – tiéne mènte –

‘e ffrónne vèrde se so’ fatte rósse.

Iésce… cammina… Va.

Mo nun se suda cómme ‘o còre ‘e stà.

‘Nce steva ‘o ppoco ‘e viento e s’è calmato…

Iammo. ‘Nchiuso ccà dinto, amico mio,

te piérde ‘o mmèglio. E cómme si’ ustinato…

Me faje sentì currivo…

Pare…

- ‘Nu muórto? -

- No! Pare ‘nu vivo

ca fa véglia a ‘nu muórto…

Ca sóngh’ io! -

• Artist:Rocco Galdieri