‘O viécchio zampugnaro lyrics

’O viécchio zampugnaro,

cu sittanta natale ’ncòpp’e spalle,

còmme vedètte ’e pprimme frónne gialle

cadé ’nnanze ’o pagliaro,

dicètte: «E sissignòre!

tu scéndi dalle stélle, o Redentòre!»

Po s’asciuttaje na làcrema cu ’e ddéta

e suspiraje: «Zampógna, te saluto.

Ma si nisciuno cchiù t’abbóffa e scéta,

vieneténne cu mmico ’int’o tavuto...»

Chiù arrasso, ’o neputiéllo, c’arrunava

quatto castagne ’nterra ’a sérva ’nfósa,

sentéva ’o viécchio... e, cómme ausuliava:

«Vieneténne cu’ mico...» s’appicciava

p’o desidèrio ’e riscifrà ’sta còsa...

• Artist:Rocco Galdieri