Min vieux Hinnin lyrics

Min vieux Hinnin j'tai querre

J'pins'a ti comm'à m'mère

Quand chou qu'ej t'er verrai

Pus jommais après j'te quitterai

Pour mi t'es biau comm'rin

J't'ai querre min viux Hinnin.

J'ai querre tin viux cloquer

Quand is'met à sonner

Sin carillon d'baptem

Lon lon la lon la dérirème

Dins mi il est grave

D'puis qu'è'sus baptisé

Tes masons n'sont point belles

Tes rues ch'es des ruelles

Un s'tord el'pleu souvint

Tes pavés sont viux mais enfin

Peuv'nt prindr'des précautions

Chell's qu'ont des hauts talons

T'es toudis plein d'funquerre

Autant que d'noir' poussière

Cha vient d'ché quéminnées

D'ech carbon qu'un vient d'déquerquer

Et cha rind ingongnés

Chés femmes in train d'nettier

J'ai querre tes biaux marqués

Du qu'tous chés blancs bonnets

Vont fair'leux provisions

Tout in faijant aller leurs langs

Tant qu'à midi passé

L'soup' n'est point derchée.

L'Pinncourt et fiête d'Hinnin

Cha ché des biaux momints

Chés jonn's gins sont bénach's

I font pus d'vingt fos l'tour des plach's

Au soir y vont danser

Chés viux jutent au piquet

T'as point d'proumnad's un l'sait

Un s'in va dins ch'marais

Un s'assit su ch' gazon

Oins l'bos Galland Martin Caron

Et un prind plein sin nez

Les sinteurs d'ech fonsé

Infin chou qu'ej démande

Quand ej'quittrai ch'pauvmonde

Cha s'ra d'ett intierré

A Saint Roch comm'cha ej's'rai berché

Pindant l'éternité

Par les sons d'tin cloquer.

• Artist:French Folk