Madre [Sardinian [southern dialects] translation]

Mama…

speru chi cand’as a arriciri custa lìtera

t’as a agatai beni

innia in susu aundi ses,

chi su Sennori ti billit,

chi no tengias abbisongiu de nudda,

Deus bollat chi siast felici.

De mei, t’ap’a nai

chi seu bagamundendi

solu e intristau.

Sceti delusioni intendu,

amargura e soledadi

de sa di chi t’indi ses andada.

Ti scriu poita chi sciu

chi s’est aprobiendi

sa di tua, Sa Di de is Mamas.

E torra, cun tristura,

m’ap’a ponni un’arrosa bianca

apicada a su coru

ca sciu chi ses assenti.

Custu est totu po imoi,

arrici sa beneditzioni mia

e deu, a coment’e sempri

in Sa Di de is Mamas,

ap’a passai a sa tumba tua

po t’inci portai un arramu ‘e froris

po ti recitai su Babbu Nostru,

chi mi scuartarat su coru.

Mama, mama…

deu a tui t’em’a bolli torrai a biri…

Deu emu a morri che a Cristu

si t’em’a podi lompi accanta

cun d’una corona ‘e ispinas

finztas a essi postu in cruxi.

Mama, mama…

deu a tui t’em’a bolli torrai a biri…

Su de sciri chi ses assenti

mi donat ita prangi e dolu

E mi tocat a m’isfogai

cun su licori maladitu, mama mia.

Mama, mama…

deu a tui t’em’a bolli torrai a biri…

Fillus chi mama teneis

ascurtai sa boxi sua chi retumbat

e si ‘nci dda teneis morta

baxei a pregai a sa tumba.

Mama, mama…

deu a tui t’em’a bolli torrai a biri…

No ses prus accant’e mei, coru miu.

In s’anima sceti soledadi intendu.

Deu a tui t’em’a bolli torrai a biri…

E si non ti potzu biri prus

poit’est chi Deus t’ind’at pigau de mei,

po mi fai sunfriri de prus?

Est sa storia de un amori

chi no’nc’ind’at atru che a custu.

• Artist:Ismael Miranda