La marguerite [Breton translation]

Kouezhañ a reas

ar boked marc'harid

bihan,

amzere tout,

diwar vreviel

an aotrou person.

Teir fetalenn

droukskouerius

war an aoter!

Flatouller

a voked an hañv,

eus a-belec'h e teu-eñ?

Na pebezh strafuilh

e-barzh ar savadur

benniget!

Pebezh afer,

ma mignonez ger,

kredit ennon.

Ar vleuñvenn disakr

o nijal

zo arruet

e floderezh

diouzh plañchennoù

ar gouent.

Hon Tad

pehini, spi 'm eus,

zo en neñv,

na rit van

ouzh ar gourkomzoù

drougiezhus.

Ar vleuñvenn

skañv, ma mignon kaezh,

n'eo ket deuet

digant al leanezedigoù,

ar merc'hed o c'hornetennoù

oc'h ober o sabad.

Bezet anat deoc'h, diam!

un deiz a oa,

etre div Ave

en deus e kavet

war sich maen

ur c'halvar,

ha lakaet en deus anezhañ,

n'eo ket se difennet

gant an Neñv,

didro-kaer

etre pajennoù

e visal.

Roit peoc'h

gant ar chuchumuchu-se,

m' ho ped.

Nann ket, ar beleg

n'eo ket treitour

da Vari.

Arabat d'an holl

kaout douetañs

biken james

ouzh ar boked

marc'harid bihan.

Trawalc'h eo gant se!

• Artist:Georges Brassens
• Album:Le trompettes de la renommée