کوردستان [Kurdistan] lyrics

کوردستان، جێگای بەچکەشێرانە

جێگای هەوارگەی، کورد وگۆرانە

خوایە هەر خۆش بێ، بۆمان تا سەربێ

پاشماوەی خاکی، ماد و بابانە     

خۆشترین جێگای، ڕووی سەرزەمینە

بەهەشتی ئاوای، ڕۆژی دوایینە

خوایە ئاوا بێ، نەیکەی وێرانە

چەندە دڵگیر و جوان و شیرینە

پڕ لە شاخ و کێو، چیا و ڕووبارە

هەموو سەیرانگا و گوڵ و گوڵزارە

چوار وەرزی لەلا، هەروەک بەهارە

بۆ هەر لا ئەڕۆی، هەر مێرگوزارە

گەر باوەڕ ناکەی، هەڵسە بێرە لام

بتگێڕم بەناو، پێنجوێن و پیرمام

بتبەم بۆ سۆلاڤ، بۆ پیرەمەگرون

شەقڵاوە و قەندیل، با بتکەن سەرسام

هەر کەس نەیدیبێ، خاکی کوردستان

نازانێ مانای ژینی ئینسان

نازانێ چیە مانای دڵداری

نازانێ بۆچی هاتۆتە جیهان

هەر وا ئەزانێ ئەم سەرزەمینە

جێگای خواردن و خواردنەوەو ژینە

نازانێ خۆشی دیمەنی جوانی

خاکی کوردستان چەندە ڕەنگینە

• Artist:Homar Dzayi