Jedermann lyrics

[Intro]

Liebe mocht ned blind, sondern nur die Augn gschwoin

Wie a storker Wind, den de Staudn ned trogn woin

[Verse 1]

Meine Freind hom gsogt, du hosd mi ned verdient

Du bist unreif, unehrlich, noh a klaanes Kind

I hobs ned hean woin, i hobs ned seng soin

Liebe mocht ned blind, sondern nur die Augn gschwoin

Weil spätestens noch am Joa hob i gseng, dass

Du neben dir kaan andern Menschen lebn losst

Und nix gebn hosd und jeden stehn losst

Der ned bedingungslos fia di a'foch sei Lebn losst

[Pre-Chorus 1]

Wenn du gspiast, dass du gfriest, wenn du ned g'hoidn wirst

Du verbliast und verlierst, weil du niemois kapierst

Dass du den Anan kobt hosd, der die g'hoidn hed

Der fia di de greßtn Fölsen a'foch gspoitn hed

[Chorus]

Und ned nur, dass du des niemois verstehn kannst

I war mit dir durch den schlimmsten oller Regn danzt

Und au wenn du des niemois mehr so sehn konnst

I hed oalles fia di 'dan, damit du schwebn konnst

A gonzes Lebn long, wär i dei Jedermann

Und hed dir jeden Tog aufs neiche gsagt,

Wie weit i fia di gehn und zu dir stehn konn

A gonzes Leben long, weil du fia mi die Aane woasd,

Ohne die i niemois lebn konn

[Verse 2]

Und deine Freind hom gsogt: "Des hod a ned verdient

Schau zua, dassa di wieda zruck zu si nimmt"

Oba du hosd nur glocht und dei Spüglbild kennt

Und wos hosd du gmocht?

Dir deine Flügl verbrennt!

[Bridge]

Jetzt kumm ma ned mit 'Föhla g'mocht', sog ned 'des duad da laad'

Dass i von Anfang an Recht kobt hob, waas i söwa aa

Und wonn i dir noh an klaan Tipp auf deim Weg mitgebn darf:

Um a Liebe kämpft man währenddessen, ned danach

[Pre-Chorus 2]

Jetzt waanst und zergehst, weil du oll des ersehnst

Wos grod vor dir verwest und du longsom verstehst

Dass du den Anan kobt hosd, der die g'hoidn hed

Der fia di de greßtn Fölsen a'foch gspoitn hed

[Chorus]

[Solo]

Jeeehh...

A ganzes Lebn long

[Outro]

Liebe mocht ned blind, sondern nur die Augn gschwoin

Wie a storker Wind, den de Staudn ned trogn woin

Fost wie bei a'm Kind, wos die Augn ned glaubn woin

Wie da Kuss vom Klimt, den die Fraun ned ho'm woin

• Artist:Pizzera & Jaus