Flickan och kråkan [Lombard translation]

Mi s'eri settaa che leggevi el giornal,

on dì normal con chì nissun,

e pensavi a quij sògn che dii volt s'hinn sognaa,

e che tucc i svanìss vun a vun.

Lì hoo vist el ritratt d'ona fioeula

cont in brasc on scorbatt lì che 'l moeur,

che la corr e la corr in del bosch

pussee svelt che la lassa el sò coeur.

E la corr cont i cavej in de l'aria;

la corr cont i gamb ch'i fan mal,

e la implòra e la prega e la spera e la cred

che l'è minga tropp tard per salvàll.

L'è ona fioeula piccina cont i cavej ciar

e la pell ross acces pien de lus,

e 'l scorbatt l'è inscì brutt, negher come el carbon;

l'era giamò mezz mort in d'on bus.

Ma lee, lee la corr per la vita,

cont on scorbatt morent in dii brasc,

e la corr per trovà el cald de caa,

e per fà quel che l'è giust de fà.

E la corr cont i oeugg pien de lagrim,

la corr cont i gamb ch'i fan mal,

perchè la sa che l'è 'me 'l sò pader gh'ha dit:

"quand gh'è vita a l'è minga tropp tard",

Mi me metti a tremà de un dolor che gh'ho dent,

stoo mal de pavura e spavent,

perchè 'l m'è vegnuu ciar in la ment de vedè

che el ritratt a la fin l'era el mè:

on scorbatt mezz mort l'è quel che speri,

e son mi quell che 'l cerca un quaj pòst

dove 'l cred che quajvun podaria anmò ajudàll,

dove 'l cred che quajvun gh'ha i respòst.

E che corri cont el coeur che 'l s'cioppa,

che corri coi gamb ch'i fan mal,

e che implòri e che preghi, ma che denter el soo

che l'è tropp tard giamò de on bel poo.

• Artist:Mikael Wiehe