الفلاحين [El-Fala7een] lyrics

الفلاحين بيغيروا الكتّاني بالكاكي

و يغيروا الكاكي بتوب الدم

و بيزرعوك يا قطن و يا السناكي

و بيزرعوك يا قمح سارية عَلَم

و بيدخلوكِ يا حرب فَحْم الحَريقة

و بيزروعكِ يا مصر شمس الحقيقة

***

الفلاحين بيغيروا الكتّاني بالكاكي

و يغيروا الكاكي بتوب الدم

و بيزرعوك يا قطن و يا السناكي

و بيزرعوك يا قمح سارية عَلَم

و بيدخلوكِ يا حرب فَحْم الحَريقة

و بيزروعكِ يا مصر شمس الحقيقة

***

وانتِ ميدان الحرب ... سينا البداية

وانتِ جنينة الصلب ... والنصر غاية

وانتِ البكا والغلب ... انتي الرحاية

وانتِ البارود والحب ... والحرب جاية

***

غنوا التلامذة الصبح للحرية

الفلاحين ضمّوا غيطان القمح

رفعوا الرايات في الفَجر متنديّة

رفعوا السنابل بنادق

عبّوا البنادق بارود

و الرمل قادت حرايق

و النار النار في دم الجنود

***

و الحرب زيّ جناين الحرية

مُهرة و مالهاش حدود

و الحرب لسة ف أول السكة

اتفجري يا مصر

اتفجري بالحرب ينطلق النهار

اتفجري بالحرب ضد الجوع ضد القهر ضد التتار

اتسلحي للحرب بالحرية

و اتفتحي وردة بدم و نار

واتجمعي من ألف صرخة و ضحكة

والحرب لسة ف أول السكة

• Artist:Sheikh Emam