Bèlla ca nun saje lèggere [Italian translation]

‘Nnammuratèlla mia dóce e 'nnucènte,

te vòglio cómme si’, bèlla e 'gnurante;

uómmene 'e pénna ne canósco tante,

ma i' 'mmirio sulo a tte ca nun saje niénte:

ca si t'affacce a la fenèsta e cante,

si 'o ciélo luce, se fa’ cchiù lucènte.

Bèlla ca nun saje lèggere,

tu liégge 'int'a ‘stu còre,

fórse ‘a cchiù bèlla pàggina,

ch'è 'a pàggina 'e st'ammóre...

E ammóre mio è nu libro culor ròsa,

ca tu me ll'ê stampato cu nu vaso.

I' te trascuro e tu nun dice niénte,

ma làcreme ne chiagne tante e tante...

M'aspiétte â séra ‘mmiézo Piazza Dante

cu ll'uócchie russe russe e surridènte;

ma pe timóre d'èssere seccante,

pòvero ammóre, chiagne alleramènte.

Bèlla ca nun saje lèggere,

tu liégge 'int'a ‘stu còre,

fórse ‘a cchiù bèlla pàggina,

ch'è 'a pàggina 'e st'ammóre...

E ammóre mio è nu libro culor ròsa,

ca tu me ll'ê stampato cu nu vaso.

E ammóre mio è nu libro culor ròsa,

ca tu me ll'ê stampato cu nu vaso.

Sciénzia nun tiéne, ma 'e vvirtù so' tante

ca si' na giòia pe cchi te tène mènte;

tu si' na sartulélla, io nu studènte,

ma quanta còse m'ê 'mparato, e quante!

Ca tutto se po’ dì, sènza dì niénte,

me ll'ê 'mparato tu ca si’ 'gnurante.

Bèlla ca nun saje lèggere,

tu liégge 'int'a ‘stu còre,

fórse ‘a cchiù bèlla pàggina,

ch'è 'a pàggina 'e st'ammóre...

E ammóre mio è nu libro culor ròsa,

ca tu me ll'ê stampato cu nu vaso.

• Artist:Libero Bovio
• Album:Live: Campobasso 2017