Libero Bovio - Autunno

Fórse è l'autunno

ca me mantène 'sta malincunia.

Chiòve a zeffunno, Ninètta mia.

E' ottóbre quase, viérno me pare.

Jurnate frédde, nuttate amare.

Sèmpe aspettanno ca na parola,

una, una sóla,

me venésse 'a te,

me venésse 'a te.

E tu che faje?

Staje allèra o malincònica 'e sti juórne?

Me piénze maje? Tuórne o nun tuórne?

E sì, faje buóno, statte luntana,

tanto, è passata n'annata sana

ca nun m'hê scritto cchiù na paròla,

una, una sóla.

Già, si' sèmpe tu.

Già, si' sèmpe tu.

• Artist:Libero Bovio