Bádu dxaapa huiini' sicarú [English translation]

Lii biréeu ti sábadu huadxí

yácati guiaazi gueela

biyúbu galáhui guidxi

zeu ti ra guenda xheela

Lú xpáyu lu liibi mediu

nanda ti bere lú nóu

cá tíxhu ti xhiga gueta guié

na lu lápa zi guzóu

Bádu dxaapa huiini sicarú

lii nga cabéza, gudá rarí

nápa chupa diidxa gábe lii

rarí gucaa diágu ni.

Bádu dxaapa huiini sicarú

de buxha olán xhiñá

guenda rana xhii xhaata gunaa

ruquidxa ne runi ná

Lii né cadeniá stí stáanu

cundiibi néu ládxi duá

ora lii má gana xhii lu naa

zóu ti bixhídu ra ruáa

Bádu dxaapa huiini sicarú

lii nga cabéza, gudá cherí

nápa chupa diidxa gábe lii

rarí gucaa diágu ni.

Biási yanna dxi runduuxhe beeu

ni gúdxu naa jñáa huíine

má guleza dxi na lu

¿yanna la? xhuncu stínne

Guyé bíi, má che ca xpínne

ra nuu bixhózo ne jñóou

chi guséenda tata xhuaana

ti guni cre binni yoo.

Bádu dxaapa huiini sicarú

má cadi guéedu cherí nagá

guleza xpínne ra lidxi lu

gurí gucaa diágu laa.

• Artist:Trío Xhavizende