Alexandra, nit nur do lyrics

Et blieht länger hell jetz, obwohl et ess immer noch Februar.

Ne Winter he ess ausschließlich lästich, wie dä Matsch, dä als Schnie

Uss schwere Wolke singe Wääsch nohm,

Tänzerinne, nevvebei, nur öm ze stirve, he om lauwärme Asphalt,

Kamikaze en 'ner Stadt,

Wo jede Hilferoof bloß unjehürt verhallt.

Mir fällt en Strooß enn, die vun Ostende bess Mekka

Quer durch Europa als E 5 führt, wigger wohr ich noch nie,

Trotz all dä Breefe, die isch jeschrivve

Un nie affjescheck, doch für die do, " Entschuldijung " Nohporto zahle mohts,

All die Eroll Flynn Visione, für jed' einz'lne däät sich et lohne,

Sensatione mein ich, nit Madame Toussaud.

Alexandra, jevv et zo:

Mancheiner föhlt sich he em Stech jelooße,

Alexandra, nit nur do, nit nur do.

Do johvs mir Bruht un Spiele, Alexandra, ich weiß schon,

Do föhls dich wie ne ussrangierte Weihnachtsbaum noh Neujohr.

Wie'n Aapeinsel ennzesinn stund ich vüür dir, un Aug en Aug

Kunnt ich dich lese wie e opjeschlaare Booch.

Et deit mir leid, dovun ze singe,

Bloß op Dauer, Alexandra, wohr dat doch wohl nit jenooch.

Alexandra, jevv et zo:

Mancheiner föhlt sich he em Stech jelooße,

Alexandra, nit nur du, nit nur do.

All Zeremonie, Beschwörunge un Rituale,

Ding Cohen Plaate, Jacques Brèl Sampler un Spazierjäng em Rähn,

Dann die rührende Versuche, affzeschöddele die Tristesse,

Die wohren aussichtslos, die braaten et wirklich nit,

Denn eins ess secher wie et Amen: dat wo suvill Kirche stonn,

Et hundert pro en janze Hääd ze Bichte jitt.

Alexandra, jevv et zo:

Mancheiner föhlt sich he em Stech jelooße,

Alexandra, nit nur du, nit nur do.

• Artist:BAP