Battle o the Somme [English translation]

Roch the win in the cleer day's dawin

Blaws the clouds hielster-gowdie o'er the bay

But thair's mair nor a roch win blawin

Thro the Greit Glen o the Warld the day

It's a thocht that wed gar oor rottans

A' thae rogues that gang gallus fresh an gay!

Tak the road an seek ither loanins

For thair ill-ploys tae sport an play.

Nae mair will our bonnie callants

Mairch tae war whan our braggarts crousely craw

Nor wee weans frae pit-hied an clachan

Murn the ships sailin doun the Broomielaw

Broken faimilies in launds we've hairriet

Will curse "Scotlan' the Brave" nae mair, nae mair!

Black an-t-white ane-til-ither mairriet

Mak the vile barracks o thair maisters bare

Sae com a' ye at hame wi freedom

Never heed whit the houdies croak for Doom

In yer hous a' the bairns o Adam

Will fin' breid, barley-bree an paintit room!

When MacLean meets wi's friens in Springburn

Aa thae roses an geeans will turn tae bloum

An a black laud frae yont Nyanga

Dings the fell gallows o the burgers doun.

• Artist:The Dubliners