Wenn et Leech usjing em Roxy lyrics

Et Schmitz Marie wor minge Schwarm.

Jo, un ich dät et froge, ob et jän

met en et Kino köm, et jöv ne Liebesfilm.

Doch et Marie woß janz jenau, öm wat et jing.

Refrain:

Denn wenn et Leech usjing em Roxy

hatte mer schnell e Kääzje ston*.

All die Mädche un die Junge

soße, loge eng umschlunge

hingen en d'r letzte Reih.

Un wenn dann jeder singem Mädche

unger et wieße Blüsje jing,

do hatte mir och schnell kapeet,

öm wat et noch em Levve jeit

usser Fußball un Karl May.

Doch et Marie sat leider "Nä".

Un wie durch Zufall kom et Lisbeth vorbei.

Et wor nit jrad ne Schuß, op dä mer fleje muß.

Doch wenn et dunkel weed, sin alle Mädche schön.

Refrain

Ävver irjendwann jing em Roxy dann

et Leech für immer us.

Sei maaten dann, wie üvverall,

ne Supermaat dodrus.

Ming Enkäuf maach ich hück mem Lis,

un en dem Lade, wo dä Supermaat es,

steit et Marieche röm, et es hück Verkäuferin

an d'r Wooschthek janz hingendurch en d'r letzte Reih.

Refrain

Un Meßwing en d'r Sakristei.

• Artist:Bläck Fööss
• Album:Roxy (1996)