Unquiet Thoughts [Neapolitan translation]

Penziére scuiète, stàteve mo accuórte

e annascunnite dint’o còre ‘e tuórte;

léngua, ca faje d’a vócca mia na carta

pe scrìvere ‘e penziére a ffórma d’arta,

statte férma, pecché osinò te taglio

‘a funa ca fa sbàttere ‘o battaglio.

Nce vo’ quaccòsa ca ‘e penziére azzécca

e ‘nchiómma ‘a léngua nzì a quanno s’assécca.

Si st’uócchie, chiave d’a vócca e d’o còre,

aràpeno ‘a stanza addo’ tèngo ammóre,

pe sèmpe ‘e ssuggèllo dint’e papèlle

ca mòreno ‘cu chiàcchiere e cervèlle.

Guardarraggio ‘nfaccia ll’ammóre mio?

Si nun sfòco, stu còre schiatta e addio;

po’ arrruzzì ‘a léngua, si ciónca deritta,

córron’uócchie e penziére e éssa sta zitta.

Parla allóra e cónta d’a smània ‘e fumme

ca fa ‘e penziére fuóco e ll’uócchie sciumme.

• Artist:John Dowland
• Album:First Booke of Songs or Ayres (1597)